Traditional Songs from Scotland

             


 

      

  Play the Music

 

March Medley

Rowan Tree / The Auld Hoose / Bonnie Lass of Fyvie /
We're No Awa Tae Bide Aw


Rowan Tree

Oh rowan tree, Oh rowan tree
Thou'lt aye be dear tae me
Entwined thou art wi' mony ties
O' hame and infancy.

Thy leaves were aye the first o' spring
Thy flowers the summer's pride
There was nae sich a bonnie tree
In all the country side.


The Auld Hoose

Oh the auld hoose, the auld hoose
What tho' the rooms were wee
Oh, kind hearts were dwelling there
And bairnies fu' o' glee.

The wild rose and the jasamine
Still hang up on the wa'
Hoo mony cherished memories
Do they sweet flow'rs reca'.


Bonnie Lass Of Fyvie

There was a troop o' Irish Dragoons
Cam' marchin' doon through Fyvie-O
An' their Captain fell in love wi' a very bonnie lass
An' her name it was ca'd pretty Peggy-O.

There's mony a bonnie lass frae the Howe o' Auchterless
There's mony a bonnie lass in the Garioch-O
O' there's mony a bonnie Jean in the toon of Aberdeen
But the floo'er o' them a' is in Fyvie-O.


We're No Awa' Tae Bide Awa'

We're no awa' tae bide awa'
We're no awa' tae leave ye
We're no awa' tae bide awa
We'll aye come back tae see ye.

We're no awa' tae bide awa'
We're no awa' tae leave ye
We're no awa' tae bide awa
We'll aye come back tae see ye.
 

 
            




Google
Web UK Magic
 

 

 
 
 


  Copyright 2006 www.ukmagic.co.uk All rights reserved